துப்பாக்கிகள் தற்காலிகமாக மௌனமாகி இருப்பது சரணடைவதற்காக அல்ல: விடுதலைப்புலிகள்
எமது துப்பாக்கிகள் தற்காலிகமாக மௌனமாகி இருப்பது சரணடைவதற்காக அல்ல என்றும், தலைமையின் உத்தரவுக்காகவே காத்திருப்பதாகவும் விடுதலைப்புலிகளின் யாழ், செல்லும் படையணித் தளபதி வெற்றிக்குமரன் தெரிவித்துள்ளார் என விடுதலைப்புலிகளின் ஆதரவு இணையதளத்தில் கூறப்பட்டுள்ளது.
மேலும் அந்த இணையதளத்தில் கூறப்பட்டுள்ளதாவது,
யாழ், குடாநாட்டில் மறைவாக உள்ள விடுதலைப்புலிகள் 48 மணி நேரத்திற்குள் இலங்கை ராணுவத்திடம் சரணடைய வேண்டும் என யாழ் மாவட்ட ராணுவத் தளபதி கேட்டுள்ளார் என்ற செய்தியை அடுத்து விடுதலைப்புலிகளின் யாழ், செல்லும் படையணி தளபதி வெற்றிக்குமரன் வெளியிட்டுள்ள அறிக்கையில்,
எமது துப்பாக்கிகள் தற்காலிகமாக மௌனமாகி இருப்பது சரணடையவதற்காக அல்ல. உரிய நேரத்தில் தலைமையின் உத்தரவிற்காக காத்திருக்கின்றோம்.
தமது போராளிகள் என்றும் இல்லாத அளவு மிக உறுதியுடன் போராடத் தயாராக இருக்கிறார்கள். இலங்கை ராணுவத்தின் பசப்பு வார்த்தைகளுக்கு மயங்க மாட்டார்கள்.
இலங்கை ராணுவம் இன்று பாரிய உளவியல் மற்றும் மறைமுக புலனாய்வு போரை தமிழ் மக்கள் மீது கட்டவிழ்த்து விட்டுள்ளது. இதையறிந்து மக்கள் மிகவும் விழிப்புணர்வுடன் இருக்க வேண்டும்.
பயங்கரவாதத்தை அழிப்பதாகக் கூறி சுதந்திரப் போராட்ட அமைப்பான விடுதலைப்புலிகளை அழித்துவிட்டதாக இலங்கை அரசு கூறி வரும் மாயை மிக விரைவில் உடையும் என்று கூறியுள்ளதாக தெரிவிக்கப்பட்டுள்ளது.
No comments:
Post a Comment
வணக்கம்!
"ஓடும் நதி.....!"
பதிவுக்கான மறுமொழிப் பெட்டி
நன்றி..!
♥ ஆதிசிவம்@சென்னை ♥
www.odumnathi.blogspot.com