ஓடும் நதி.....!: காங்கிரசின் கொடியில் இரத்தக் கறை

Saturday, May 16, 2009

காங்கிரசின் கொடியில் இரத்தக் கறை

தமிழர்களின் ஊழிப்பகையான காங்கிரசைத் தண்டிப்பது எப்படி?

(காங்கிரசு 4, திமுக 6, பா.ம.க 5, ம.தி.மு.க 3, பொதுவுடைமைகள் 4, அ.தி.மு.க 18 என்றவாறு தேர்தல் முடிவுகள் இருக்க வாய்ப்பிருக்கிறது. பாரதிராசாவும், சீமானும் கோவை, புதுவை, சிவகங்கை, திருச்சி தொகுதிகளில் அதிக கவனம் எடுத்துக் கொண்டால் காங்கிரசுக்கு முட்டை போடலாம் என்று தோன்றுகிறது.) தேர்தலிலே காங்கிரசைத் தோற்கடிப்பதோடு தமிழர்கள் நின்று விடக்கூடாது. காங்கிரசையும் அதனைச் சார்ந்த அரசியல்வாதிகளையும், குறிப்பாக இலக்கியவாதிகளையும் முற்று முழுதாகப் புறக்கணிக்க வேண்டும். தமிழர்களிடம், அரசியல்வாதிகளிடம் இருந்து பெற்ற ஒரு நோய் முற்றிப் போயிருக்கிறது. கொள்கைகளில், உறுதிகளில் அதிகப்படியானநெகிழ்வுகளைச் செய்து கொள்ள ஏதுவாக "அது வேறு - இது வேறு" என்ற சமாதானத்தை அதிகம் கைக்கொள்கிறார்கள். தம் இனத்தின் 3000 பேரைக் கொன்ற காங்கிரசை இன்றைக்கும் செருப்பாலடிக்கிறான் சீக்கியன் என்பதனை நினைவில் கொள்ள வேண்டும். தேர்தலில் காங்கிரசைத் தோற்கடித்து விட்டோம்/விடுவோம் என்று இறுமாந்து இருந்து விடாதீர்கள்.

நெல்லுக்குப் பாயும் நீர் களைக்கும் பாயுமாப் போல, அக்களையும் கொழுக்குமாப் போல, குமுகத்தில் பாய்ந்த தமிழ் சில களைகளுக்கும் பாய்ந்ததை/பாயுமென்பதை உணர்க. கருணையர் வாயிலே செழித்த தமிழ் துரோகத்தமிழாய்ப் போனதென்பதை ஓர்க; அதுபோல காங்கிரசுக்காரன் வாயில் ஒழுகும் தமிழ் நஞ்சு என்று அறிக. பகைவன் வாயால் தமிழ் கேட்பதை மறக்க.

எங்கேனும் மேடையிலே காங்கிரசுக்காரன் முன்னிலை வகித்தால் அம்மேடையைத் தவிர்க்க.
எங்கேனும் விழாவிலே காங்கிரசுக்காரன் முன்னிலை வகித்தால், தலைமை வகித்தால் அவ்விழாவையே தவிர்க்க. அது விழா அல்ல இழவு என்று துணிக.
எந்தக் காங்கிரசுக்காரன் வாயிலேயும் குறளோ, சிலம்போ, கம்பமோ ஒலிப்பின் அவ்விடம் நீங்குக. அதற்குப் பதில் நாய்கள் சிலவற்றை குரைக்க விட்டு கேட்டு மகிழ்க.
தமிழர்கள் நடத்தும் விழாக்களில் எவற்றிலும் காங்கிரசு சார்புடைய அரசியல்வாதியையோ, இலக்கியவாதியையோ மேடைகளில் ஏற்றாதீர்கள்.
அப்படியே காங்கிரசுக்காரன் மேடையில் ஏறிவிட்டாலும் மானமுள்ள தமிழர்களே காங்கிரசுக்காரன் கையால் பரிசில் பெறாதீர்கள். அது தாய்வயிற்றில் குத்துவது போல.
தமிழில் எழுதப்பட்ட நூலையோ மலரையோ ஒரு காங்கிரசுக்காரன் வெளியிடுவானானால் அதில் உங்கள் படைப்புகள் வாராது பார்த்துக் கொள்க.
காங்கிரசின் கொடியிலே உள்ள சிவப்பு நிறத்தைக் காணும்போதெல்லாம் அது 100,000 தமிழர்களின் இரத்தக் கறை என்று மனதில் கொள்க.
அவரவரின் சந்ததியினருக்குக் காங்கிரசு தமிழினத்திற்குச் செய்த கொடுமைகளை மறவாமல் சொல்லி வைக்க. சொல்லிவிட்டு அவர்களின் சந்ததியினருக்கும் சொல்லச் சொல்லி வைக்க.
யாரேனும் தமது இல்லத்தில் காங்கிரசு தலைவர்களின் படம் வைத்திருந்தால் அதனைத் தெருவில் வீசி விடுக.

நடைமுறையிலே இது எந்தளவு ஆகக் கூடியது என்று குழம்புவீர்களாயின், முடிந்த பொழுதெல்லாம், முடிந்தவரையில் இதனைச் செய்வோம் என்று உறுதி கொள்க. வரலாற்றில் எந்தக் காலத்திலும் இல்லாத அளவிற்குத் தமிழினத்தைக் கொன்றொழித்தக் கட்சி காங்கிரசுக் கட்சி. அது நமது குலப்பகை. அதில் சேர்ந்தார் தமிழர் என்றாலும் அவர் பகைவாராய் ஆகிப்போனார் என்பதற்குச் சான்றுகளாகவே தமிழகத்தின் தமிழர்களான சிதம்பரம், தங்கபாலு, இளங்கோவன், ஞானசேகரன் என்று எந்தக் காங்கிரசுக்காரரை எடுத்தாலும் இருத்தல் காண்க. காங்கிரசின் நம்மினப் பகைப் போக்கை உணர்ந்துதான் தமிழருவி மணியன் என்ற பன்னாட்காங்கிரசுக்காரர் அதைவிட்டு விலகினார் என்பதனை நினைக்க.

காங்கிரசின் தமிழினக் கொலைவெறிப் போக்கை அடக்கவேண்டும். அது தேர்தலில் மட்டுமல்ல. நமது குமுகத்தில் இருந்து காங்கிரசு தள்ளிவைக்கப்படவேண்டும். காங்கிரசைத் தமிழினத்தில் இருந்து தள்ளிவைக்க வேண்டுமென்றால் அக்கட்சி சார்புடையவர்களைப் புறக்கணிக்க வேண்டும்.

நம்மால் ஆனவரை நமது குமுகத்தில் காங்கிரசை மறப்போம்.

நாக.இளங்கோவன்

http://www.adhikaalai.com/index.php?option=com_content&task=view&id=14290&Itemid=163&limit=1&limitstart=1