ஓடும் நதி.....!: ♥ " சர்வதேச நாடுகள் விடுதலைப்புலிகளுக்கு உதவ கூடாது: சிங்கள மந்திரி வேண்டுகோள்"- மாலைமலர் செய்தி ♥

Monday, June 1, 2009

♥ " சர்வதேச நாடுகள் விடுதலைப்புலிகளுக்கு உதவ கூடாது: சிங்கள மந்திரி வேண்டுகோள்"- மாலைமலர் செய்தி ♥

சர்வதேச நாடுகள் விடுதலைப்புலிகளுக்கு உதவ கூடாது: இலங்கை மந்திரி வேண்டுகோள்

கொழும்பு, ஜூன். 1-

விடுதலைப்புலிகள் இலங்கையில் மட்டும் அல்லாமல் சர்வதேச அளவிலும் இணைப்புகளை ஏற்படுத்தி செயல்பட்டு வந்தனர். அவர்களுக்கு சொந்தமாக கப்பல் நிறுவனமும் இருக்கிறது.

இலங்கையில் போரில் விடுதலைப்புலிகள் தோற் கடிக்கப்பட்டாலும் இன்னும் அவர்களுடைய சர்வதேச கிளைகள் செயல்பட்டு கொண்டுதான் இருக்கின்றன.

இந்த நிலையில் இலங்கை வெளிவிவகார மந்திரி ரோஜிதா பகோலாகமா சர்வதேச நாடுகளுக்கு ஒரு வேண்டுகோள் விடுத்துள்ளார். அதில் கூறி இருப்பதாவது:-

விடுதலைப்புலிகளின் சர்வதேச அமைப்புகள் இன்னும் செயல்பட்டு வருகின்றனர் அவர்கள் வெளிநாடுகளில் பலம் மிக்கவர்களாக இன்னும் இருக்கிறார்கள் அரசியல் ரீதியாகவும், வலுவாக உள்ளனர்.

எனவே சர்வதேச நாடுகள் இலங்கைக்கு உதவும் வகையில் விடுதலைப்புலிகளின் செயல்பாடுகளை அழிக்க வேண்டும். அவர்களுக்கு எந்த வகையில் உதவி வந்தாலும் அதை தடுக்க வேண்டும்.

இலங்கையில் தமிழர்கள் பிரச்சினைக்கு அரசியல் ரீதியான தீர்வு காணப்படும். இனி எந்த பிரச்சினையும் ஏற்படாமல் அனைத்து தரப்பு மக்களும் சமமாக நடத்தப்படுவார்கள்.

இவ்வாறு அவர் கூறினார்.

http://www.maalaimalar.com/2009/06/01120600/CNI023010609.html